Struzzjonijiet dwar l-użu

IGMP huwa soluzzjoni għal dawk li:

• mhumiex midħla ta’ lingwa barranija iżda jixtiequ li jkunu kapaċi jikkomunikaw b’din il-lingwa wara li jqattgħu l-inqas ħin possibbli jitgħallmuha
• jixtiequ jitgħallmu kif jikkomunikaw malajr; biex wieħed jifhem kif taħdem is-sistema IGMP, ġeneralment għandu jkun biżżejjed il-ħin ta’ kemm idum vjaġġ għas-safar – permezz ta’ kowċ, tren jew ajruplan; wara għandek tkun kapaċi tikkomunika fi kwalunkwe lingwa de facto
• isibu diffikultajiet biex jitgħallmu l-lingwi barranin
• ma jixtiequx jitgħallmu mill-“kexxun tal-iskrivanija”
• ma jixtiequx jitgħallmu informazzjoni li mhijiex prattika u li ma tintuża qatt ħlief f’każijiet rari
• beħsiebhom jerġgħu jkomplu jużaw jew jistudjaw lingwa barranija wara li jkunu waqfu għal żmien żmien twil
• jixtiequ jitgħallmu malajr kemm jista’ jkun l-elementi essenzjali biss
• jixtiequ jitgħallmu, forsi mhux bis-sħiħ iżda mill-aktar fis possibbli, lingwa barranija miktuba permezz ta’ alfabett differenti – “traduzzjoni fonetika”
• għal skopijiet ta’ speċjalizzazzjoni IGMP, jiksbu tagħrif rigward il-qasam rilevanti b’mod immedjat

Il-vantaġġi li joffri IGMP:

• grammatika essenzjali ippreżentata fi kwantità żgħira kemm jista’ jkun, imqassma sew grafikament u ppreżentata bl-aktar mod professjonali
• orjentazzjoni fil-lingwa kważi immedjata grazzi għas-sistema unika li fuqha huwa mfassal
• tagħlim tal-lingwa ħafna aktar mgħaġġel sa mill-bidu, fehim immedjat tas-sistema IGMP f’sitwazzjonjiet speċifiċi, bħal meta wieħed ikun imsiefer
• reviżjoni ta’ dak kollu li wieħed diġà jkun jaf dwar il-lingwa kkonċernata
• taħdit bażiku ppreżentat f’format sempliċi
• meta tifhem is-sistema ta’ verżjoni ta’ lingwa waħda IGMP tingħata sistema semplifikata tal-forom tal-lingwi IGMP kollha; l-istess informazzjoni għal lingwi oħra ssibha fl-istess post
• IGMP ġie ddisinjat f’format prattiku “biex jinżamm fil-but”; it-tagħlim jista’ jsir ukoll permezz ta’ eżerċizzji
• Internet support għal IGMP
• Estensjonijiet IGMP, li jiffokaw fuq oqsma ta’ interess jew fuq avvenimenti speċifiċi (is-sajd, l-isport, il-kultura, eċċ.), u li permezz tagħhom tista’ tikseb deskrizzjonijiet fil-qosor u immedjati rigward il-qasam li tixtieq

L-istorja wara IGMP

din l-ideja hija prożajka. Waqt li kont qed nara lit-tfal tiegħi jitgħallmu l-Ġermaniż, skoprejt li ma kienux jafu it-tempi tal-futur jew tal-passat tal-verbi. Ħloqt mod biex ngħinhom jitgħallmu – kont qed infittex “sistema”. B’hekk, fl-2004, l-ewwel verżjoni, issa meqjusa bħala “preistorika”, tal-verżjoni IGMP sofistikata tal-lum, saret realtà. Permezz ta’ IGMP biddilt is-sistema tiegħi ta’ kif nitgħallem il-lingwi barranin, u rnexxieli nitgħallem lingwa ġdida fi żmien ġimgħatejn (illum naf 10 lingwi). Ma rridx infisser li dawn il-lingwi nafhom bis-sħiħ, iżda nista’ ngħid li nafhom sew biżżejjed biex nikkomunika bihom.

L-għan ta’ IGMP

mhuwiex li jgħinek titgħallem lingwa barranija, jew li jiġi mqabbel ma’ metodi oħra ta’ tagħlim. Din is-sistema hija ġdida, funzjonali u unika. Hawn nixtieq nenfasizza li d-drittijiet kollha tal-awtur huma riżervati! Il-kopji IGMP awtentiċi tagħna jifilħu ħafna iżjed għall-istrapazz u jistgħu jinxtraw għal prezz aqwa minn dak ta’ kopji illegali.

It-tabella prinċipali tal-ewwel paġna ta’ IGMP fiha l-verbi irregolari u l-verbi l-aktar komuni, irranġati wara xulxin b’mod alfabetiku u tinkludi l-aktar 3 verbi importanti: “jien”, “għandi”, “immur”. Dawn il-verbi xi kultant jissejħu wkoll “verbi awżiljarji” u jintużaw biex jinħolqu t-tempi tal-passat u tal-futur. It-tabella għal uħud mill-verżjonjiet ta’ lingwi tinkludi wkoll il-partiċipju passat, inkluż il-pronunzja.

Il-parti ta’ fuq tax-xellug fiha numri, inkluż ċifri numeriċi bażiċi, skali u sinjali, u numri ordinali , inkluż il-kelma “l-aħħar”. Rigward it-tagħlim tan-numri, nagħtikom parir titgħallmu mill-wieħed sal-għaxra, u, waqt li tkunu qed issuqu, irrepetu n-numri ta’ fuq il-liċenzji tal-karrozzi li jkun hemm għaddejjin fit-triq, l-ewwel in-numri minn 1 sa 10 u mbagħad bl-għaxriet, bil-mijiet u bl-eluf...

Imbagħad imiss it-tqabbil tal-aġġettivi u l-avverbji, kemm dawk regolari kif ukoll dawk irregolari. F’ċertu lingwi m’hemmx differenza bejn l-aġġettivi u l-avverbji. Fil-parti t’isfel fuq il-lemin insibu l-grammatika. Il-“grammatika” tintroduċi l-pronomi bażiċi: jien, int, huwa, hija, huwa/hija, aħna, intom, huma”, segwiti mill-pronomi possessivi u l-forom tagħhom fit-tielet u r-raba’ każijiet. Għalkemm il-lingwa Ċeka għandha 7 każijiet, għall-parti l-kbira tal-lingwi huwa biżżejjed li wieħed ikun jaf l-ewwel, it-tielet u r-raba’ każijiet sabiex ikun jista’ jikkomunika. Minnha nnifisha, il-grammatika fiha wkoll “il-pronomi dimostrattivi” kif ukoll artikli definiti u indefiniti.

Fuq ix-xellug ħdejn in-numri hemm tabella msejħa “arloġġ”, li tippermettilek tesprimi l-parti l-kbira ta’ dawn il-kwistjonijiet. Taħt l-arloġġ jinsabu “l-prepożizzjonijiet” u “l-konġunzjonijiet” , b’indikazzjoni ta’ dawk li huma l-aktar importanti fosthom.

Tabella msejħa “ħin” fiha l-aktar kliem komuni relatat mal-ħin: il-jiem tal-ġimgħa, ix-xhur, l-istaġuni u ż-żewġ linji ta’ taħt, li huma importanti ħafna: “qabel” u “wara” u l-perjodi “minn...” u “sa...”. “L-aktar kliem komuni” empirikament jinsab taħt “ħin”. Għandek dejjem issegwi dawn il-kliem ordinati b’mod alfabetiku, anki jekk mhumiex verbi, nomi jew pronomi.

Taħt din it-tabella hemm, f’ordni alfabetika, l-aktar antonimi komuni. Wara dawn hemm tabella ta’ “verbi irregolari”, li semmejna diġà.

In-naħa tal-lemin fiha verbi regolari editjati. Madwar 170 mill-aktar verbi komuni huma konjugati skont l-eżempji ppreżentati fil-bidu ta’ IGMP, bit-trufijiet immarkati, fit-tempi tal-preżent, tal-futur u tal-passat u fil-forma kondizzjonali skont il-forom u t-trufijiet.

In-naħa ta’ wara tal-IGMP fiha 8 kategoriji: l-ivvjaġġar, il-kummerċ, it-tabib, l-ikel – ix-xorb, il-kuluri, il-familja, l-annimali u l-punti kardinali, akkumpanjati minn frażijiet li jistgħu jiġu mqabbla skont il-kulur.

Tista’ tagħżel ukoll id-disa’ parti, li fiha speċjalizzazzjonijiet li jittrattaw ħafna suġġetti differenti. Tista’ wkoll tordna IGMP speċjalizzat magħmul skont l-ispeċifikazzjonijiet tiegħek. It-tqassim ta’ IGMP f’oqsma differenti jgħinek issib triqtek. Is-sistema ġiet maħluqa sabiex frażijiet simili jew supplimentari jkunu jistgħu jinħolqu mill-materjal li jkun ġie editjat. It-tieni taqsima ta’ din il-paġna fiha madwar 340 mill-aktar kliem importanti; nomi, u fi kwantità iżgħar, verbi u aġġettivi inqas importanti.

Għeżież ħbieb tal-lingwi barranin, Nispera li tieħdu pjaċir tużaw din l-għodda għat-tagħlim u nilqa’ l-kummenti kostruttivi tagħkom sabiex ikun nista’ ntejbu.